CIRRHA vel CYRRHA

CIRRHA, vel CYRRHA

oppid. Phocidis ad radicem Parnassi, in quo Apollo religiosissime colebatur. Lucan. l. 3. v. 172.

Phocaicas Amphissa manus, scopulosaque Cyrrha.

Martial. ad Val. Flaccum, l. 1. Epigr. 77. v. 11.

Quid tibi cum Cyrrhâ? quid cum Permessidos undâ?

Iuvenal. Sat. 7. v. 63.

Quis locus ingenio, nisi cum se carmine solo

Vexant, et dominis Cyrrhae Nysaeque feruntur.

I. e. Apollini et Baccho, Situm est in ora sinus Corinthiaci, qui hinc Sinus Cirrhaeus, nunc Golfo di Lepante. 30. milliar. abora propiori Peloponnesi in Boream. Baudrand. Delphis stadia 30. distabat. Moschopulus, Κίῤρα πόλις ἀπέχουσα Δελφῶν ςταδίους τριάκοντα καὶ Κιῤρᾶιον πεδίον παῤ Αἰχίνῃ τὸ παρακείμενον αὐτῇ: quod is verbatim subduxit Harpocrationi. Plin. l. 4. c. 3. Ultra Cirrhaei Phocidos campi, oppidum Cirrha, portus Chalaeon, a quo VII. milia passuum introrsus liberum oppidum Delphi, sub monte Parnasso, clarissimum terris oraculô Apollinis. De quo Oraculo, quia in Cyrrha monte os antri fatidici, vide Lutatium at Statium, Theb. l. 7. v. 333. Phebades antrum vocat alibi Scholiastes, unde haustô afflatu docebant futura. Hinc Lucan. l. 5. v. 95.

Totius pars magna Iovis Cirrhea per antra

Exit.----- ----- -----

Fuit porro Delphorum navale, Cyrrha, ab Delphis 60. stadiis discretum, uti refert Pausan. l. 1. Quô pactô autem fluviô aversô et helleborô infectô restitutôque Cirrhaei subiugati ab eisdem suerint, docet idem, l. 10. Vide Casp. Barthium Animadversion. ad papinium Statium, Theb. l. 2. v. 63.

----- ----- ----- iamque ardua Cirrhae,

Pollutamque suo despectat Phocida busto.

Et, Theb. l. 3. v. 473.